|
| Monday, August 20, 2007 |
| မုဒုံမြို့မှ အတောင် ၄၀၀ ပြည့် ကမ္ဘာ့အကြီးဆုံး လျောင်းတော်မူ |
သူငယ်ချင်းများနဲ့အတူ မွန်ပြည်နယ်၊ မုဒုံမြို့နယ်၊ မြိုင်ကုန်းကျေးရွာရှိ ၀င်းစိန်တောရ - ရတနာတောင်သို့ ရောက်ရှိခဲ့ပါတယ်။ အထက်ပါဘုရားကြီးသည် ကမ္ဘာပေါ်တွင် အတောင် ၄၀၀ ပြည့် ကမ္ဘာ့အကြီးဆုံး လျောင်းတော်မူ ဇိနသုခရန်အောင် ချမ်းသာဘုရားကြီး ဖြစ်ပါတယ်။ တစ်ခါဖူးမျှ ဖူးမြော်ခဲ့ရခြင်း မရှိခဲ့ပါဘူး။ မြင်လည်း မမြင်ဖူးဘူးလေ။ အရမ်းအံ့သြဖို့ကောင်းတယ်နော်။ ယမင်းတောင် သူငယ်ချင်းက ကျိုက္ခမီ-စက်စဲ သွားမယ်လိုက်မလားလို့မေးတော့ မရောက်လည်း မရောက်ဖူးတာနဲ့ ဘယ်လောက်ကုန်မှာလဲလို့ အရင်မေးရသေးတယ်လေ။ ပြီးမှ သိပ်မကုန်ရင် လိုက်ခဲ့မယ်။ တစ်ခါမှ မရောက်ဖူးသေးဘူးလို့ ပြောလိုက်တယ်။ သူတို့နဲ့က ကျိုက်ထီးရိုးသွားတုန်းကလည်း လိုက်သွားဖူးတော့ သူငယ်ချင်းရုံးက လူတွေအားလုံးနဲ့ကလည်း ရင်းနှီးနေပြီလေ။ အားလုံးကလည်း အတင်းလိုက်ခိုင်း ကြတယ်။ ပြီးတော့ လူလည်း ညီတယ်။ အားလုံးက စိတ်ထားကောင်းပြီး ဖော်ရွေကြတယ်။ ခုသွားမှာက လည်း ထားဝယ်အသင်းနဲ့သွားမှာတဲ့။ ကုန်ကျစရိတ်ကလည်း သိပ်မရှိပါဘူး လိုက်ခဲ့ပါဆိုနေတော့ လိုက်ဖြစ်ခဲ့ပါတယ်။ ပြီးတော့ မော်လမြိုင်မှာ ကြိုဆိုရေးအဖွဲ့တွေလည်း ရှိတယ်တဲ့။ တကယ်ပါဘဲ။ မော်လမြိုင်လည်း ရောက်ရော မော်လမြိုင်အသင်းက တာဝန်ကျေပွန်စွာနဲ့ ဆရာဝန်များအသင်းခန်းမမှာ ကြိုဆိုကျွေးမွေး ဧည့်ခံခဲ့ပါတယ်။ ၀မ်းသာဖို့လည်းကောင်း၊ ဘုရားတွေလည်း အစုံဖူးခဲ့ရတော့ ကြည်နူးဖို့ လည်း အရမ်းကောင်းခဲ့ပါတယ်။ အဲ နောက်တော့ အရမ်းကံကောင်းခဲ့တာကတော့ ချမ်းသာကမ်းခြေမှာ ဆူနာမီဝင်မွှေသွားတဲ့နေ့မှာဘဲ။ (အိမ်က စိတ်ပူနေကြတာပေါ့)။ ယမင်းတို့အဖွဲ့ဟာ စက်စဲ ကမ်းခြေမှာ ရေဆော့လို့ ပျော်ကောင်းနေတဲ့အချိန်ပေါ့။ သြော် ဒါနဲ့ ဘုရားကြီးအကြောင်း ပြန်ဆက်ရဦးမယ်။ ဒီဘုရား ကြီးက အရမ်းအံ့သြဖို့ကောင်းတယ်။ ဘုရားကြီးရဲ့ ခြေထောက်တော်ကနေ၀င်လိုက်ရင် အထဲမှာ အခန်း ပေါင်း ၁၈၂ ခန်းရှိတာကို တွေ့ခဲ့ရပါတယ်။ ဗုဒ္ဓ၀င်ရုပ်လုံး ရုပ်<ကတွေနဲ့ ငရဲပြည်၊ လူ့ပြည်၊ ဗြဟ္မာပြည်၊ နတ်ပြည် အသီးသီး ပုံစံအမျိုးမျိုးနဲ့ ရုပ်ပုံတွေကို တွေ့ရှိခဲ့ရပါတယ်။ ဒီဘုရားကြီးဟာ ၁၃၅၃ ခုနှစ် ပြာသိုလဆုတ် (၁၀) ရက်နေ့ (၂၉-၁-၁၉၉၂) ဗုဒ္ဓဟူးနေ့ကစပြီး မွန်ဆရာတော် အဂ္ဂမဟာ သဒ္ဓမ္မ ဇောတိကဓဇ ဘဒ္ဒန္တကေသရ ကိုယ်တိုင် အုတ်မြစ်ချခဲ့ပြီး ဦးစီးတည်ဆောက်ခဲ့ပါတယ်။
ယမင်းတို့ရောက်တော့ အစဘဲ ရှိသေးတာကို တွေ့ခဲ့ရပါတယ်။ ခုထိလည်း မပြီးသေးပါဘူး။ ဆောက်လက်စပဲ ရှိပါသေးတယ်။ အထဲကို ရောက်ပြီးတော့ ပြန်ဆင်းရင်တော့ ဦးခေါင်းတော်ရဲ့ အောက်နားကနေ အပြင်ပြန်ရောက်ပါတယ်။ ဘုရားကြီးရဲ့ အမြင့်ပေဟာဆိုရင် ၁၁၈ ပေရှိပြီး အထပ်ပေါင်း ၈ ထပ် ရှိပါတယ်။ ယမင်းတောင် အမှန်ပြောရရင် ရောက်ပြီး ကံကောင်းလို့ ဖူးမြော်ရတာ။ ဘာလို့လဲဆိုတော့ ဘုရားကြီးရဲ့ခြေတော်ရင်းနားမှာ မွန်ဆရာတော်ကြီးရဲ့ ကျောင်းရှိပါတယ်။ အဲဒီကို အရင်သွားဖူးရင်းနဲ့ ချော်လဲပါလေရော။ ချော်လဲတော့ ထလို့ မရတောဘူး။ ဒူးခေါင်းတွေလည်း ပွန်းလို့ အိမ်က သိရင် ပြောဦးမယ်။ ဖြစ်လိုက်ရင် အရာရာနဲ့အကြောင်းကြောင်းကြီးဘဲလို့ ဒါနဲ့ မသွားတော့ဘူးလို့ ပါလာတဲ့ညီမလေးကို ပြောတော့ သူက မမရယ် ရောက်မှတော့ တက်ဖူးလိုက်ပါ။ သူ တွဲခေါ်ပါမယ်တဲ့။ ယမင်းက အားနာလို့ သွားပါတော့ ဒီကဘဲ စောင့်နေခဲ့မယ်ပြောတာကို အတင်းဆွဲခေါ်ပါ လေရော။ ဒါနဲ့ ဖြည်းဖြည်းဘဲ တက်သွားတာ အပေါ်ရောက်တော့ တော်တော်ကို ကြည်နူးဖို့ ကောင်းပါတယ်။ အဲဒီညီမလေးကိုလည်း ခုချိန်ထိ ကျေးဇူးတင်မိပါတယ်။ သူသာ တွဲမခေါ်ခဲ့ရင် ပြန်သာ လာခဲ့တာ ရောက်ခဲ့ရမှာ မဟုတ်ဘူးလေ။ သူ့ကြောင့် ယမင်းလေ ဘုရားကြီးရဲ့ အထပ်ပေါင်း ၈ ထပ်ကို ရောက်ခဲ့ရတာပါ။ ဒါကြောင့် ယမင်းပြောချင်တာက မွန်ပြည်နယ်၊ မုဒုံမြို့ကိုရောက်ရင် ရတနာတောင်ကို ၀င်ဖူးဖြစ်အောင် ၀င်ဖူးခဲ့ကြပါလို့ မှာချင်ပါတယ်။
|
posted by yamin @ 8:09 PM  |
|
|
|
|
 |
|
|
